Svæðisskipulag Austurlands 2022-2044
Sameiginleg framtíðarsýn Fjarðabyggðar, Fljótsdalshrepps, Múlaþings og Vopnafjarðarhrepps fyrir Austurland til ársins 2044.
![](https://skipulag.austurland.is/wp-content/uploads/2023/04/img-01.jpg)
Tilgangur svæðisskipulagsins er að samstilla stefnu sveitarfélaganna á sviði umhverfis, efnahags, samfélags og menningar og tryggja þar með sjálfbæra þróun, komandi kynslóðum í hag.
![](https://skipulag.austurland.is/wp-content/uploads/2023/04/2.-Meginmarkmid_bb-1600x1600.jpg)
Góð heimkynni
Á Austurlandi verða áfram góð heimkynni. Umhverfið, hið manngerða sem og náttúrulega, verður heilnæmt, vistvænt og öruggt. Það verður gott að búa á Austurlandi og eftirsóknarvert að sækja það heim.
Skoða nánar![](https://skipulag.austurland.is/wp-content/uploads/2023/04/4.-Meginmarkmid_b-1600x1600.jpg)
Svæði sóknarfæra
Austurland eflist sem svæði sóknarfæra þar sem blómlegt atvinnulíf nýtir auðlindir Austurlands á sjálfbæran hátt í sátt við samfélagið og nýsköpun, þekking og rannsóknir verða æ styrkari grundvöllur atvinnusköpunar og framþróunar.
Skoða nánar![](https://skipulag.austurland.is/wp-content/uploads/2023/04/5.-Meginmarkmid_b-1600x1600.jpg)
Sterkt samfélag
Á Austurlandi verður samheldið og fjölbreytt samfélag fólks sem hefur tækifæri til að nýta og þróa þekkingu sína, býr við örugga heilbrigðisþjónustu og heilsueflandi umhverfi.
Skoða nánar![](https://skipulag.austurland.is/wp-content/uploads/2023/04/6.-Meginmarkmid_b-1600x1600.jpg)
Ævintýri líkast
Austurland verður áfram sem ævintýri líkast. Blómlegt menningarlíf og góðar aðstæður fyrir fjölbreyttar íþróttir og margskonar útivist gerir landshlutann að spennandi stað til að búa á, starfa í og heimsækja.
Skoða nánarSamstarfsaðilar
Algengar spurningar
Hér má finna algengar spurningar um Svæðisskipulag Austurland og svör við þeim.
-
Hvað er Svæðisskipulag Austurlands?
Markmið sveitarfélaga á Austurlandi er að landshlutinn verði sífellt eftirsóknarverðari til búsetu, starfa og ferðalaga. Svæðisskipulagi Austurlands er ætlað að stuðla að þessu markmiði með því að samstilla stefnu sveitarfélaganna á sviði umhverfis, efnahags, samfélags og menningar. Sjá kafla 1.1.
-
Hver bjó það til?
Mótun þeirrar framtíðarsýnar sem finna má í svæðisskipulaginu var á höndum svæðisskipulagsnefndar Sambands sveitarfélaga á Austurlandi (SSA). Hún var skipuð tveimur fulltrúum frá hverju sveitarfélagi Austurlands og einum fulltrúa frá Ferðamálasamtökum Austurlands. Austurbrú stýrði verkefninu fyrir hönd SSA og naut liðsinnis ráðgjafafyrirtækisins Alta.
Sjá nánar í kafla 1.4.
-
Hvaða máli skiptir það?
Svæðisskipulagið tekst á við helstu áskoranir sem landshlutinn mun standa frammi fyrir í náinni framtíð. Þær snúast um að takast á við loftslagsbreytingar með sjálfbærri nýtingu auðlinda, að styrkja mannauð og efla nýsköpun, efla samvinnu á milli sveitarfélaga, íbúa og fyrirtækja og stofnana samfélagsins, stuðla að lýðfræðilegu jafnvægi og góðu heilsufari íbúa. Tilgangur svæðisskipulagsins er að tryggja sjálfbæra þróun samfélagsins á Austurlandi komandi kynslóðum í hag.
Sjá nánar í kafla 2.0.
-
Hvernig verður því framfylgt?
Svæðisskipulaginu verður framfylgt með skipulags- og aðgerðaáætlunum hvers sveitarfélags og stoðstofnana þeirra. Það er þó á ábyrgð alls samfélagsins að ná markmiðum svæðisskipulagsins og munu sveitarfélög, samtök, fyrirtæki, félög og stofnanir í landshlutanum eiga í nánu samstarfi um framfylgd þess.
Sjá nánar í kafla 7.1.