Ævintýri líkast
Austurland verður áfram sem ævintýri líkast. Blómlegt menningarlíf og góðar aðstæður fyrir fjölbreyttar íþróttir og margskonar útivist gerir landshlutann að spennandi stað til að búa á, starfa í og heimsækja.
Þessum árangri ætla sveitarfélögin á Austurlandi að ná með því að vinna að sameiginlegum markmiðum sem falla undir:
3.1 Leiðangrar og upplifun
3.2 Listir og menningu
3.3 Útivist og íþróttalíf
Viðfangsefni markmiðanna snúa að því að Austurland sé:
Samfélag þar sem gestir eru velkomnir og geta skyggnst inn í og verið þátttakendur í daglegu lífi íbúa.
Samfélag sem býður upp á framúrskarandi aðstæður og fyrirmyndaraðstöðu til að iðka fjölbreytt lista- og menningarlíf.
Svæði þar sem eru framúrskarandi aðstæður til að njóta margs konar útivistar og fyrirmyndaraðstaða fyrir alls konar íþróttir.
6.1 Leiðangrar og upplifun
Vandað verður til verka í hönnun og uppbyggingu stærri og smærri áfangastaða um allt Austurland. Innviðir sem þjóna ferðamennsku verða styrktir og þróað verður net leiða fyrir fjölbreytta ferðamáta.
Viðfangsefni kaflans eru:
V. Ferðaauðlindir
X. Ferðaleiðir
Y. Áfangastaðir
6.2 Listir og menning
Hlúð verður að staðaranda og gróskumiklu menningarlífi og það nýtt til atvinnusköpunar. Rík áhersla verður lögð á aðlaðandi og lifandi umhverfi í bæjum sem bera blómstrandi menningunni vitni, menningarstofnanir og menningarhátíðir verða efldar.
Viðfangsefni kaflans eru:
Ý. Menningarlíf
Þ. Miðbæjarlíf
6.3 Útivist og íþróttalíf
Á Austurlandi verður aðstaða til heilsuræktar utandyra sem innandyra fjölbreytt og gott aðgengi tryggt að svæðum sem veita möguleika á útivist í nálægð við náttúruna. Valkostir til íþróttaiðkunar verða margir og fjölbreyttir. Íþróttamót styrkjast og hreystiverkefnum fjölgar.
Viðfangsefni kaflans eru:
Æ. Almenn útivistarsvæði
Ö. Útivistar- og íþróttasvæði til sérnota